About us

 “PAT JASAN GALAW AI HTE HKRISTU HTA AMYU HTE MUNGDAN HPE

GAW GAP GA.”

 

Lam Masan (Guiding Principle)

  1. Ka-ni Nanghpam gaw KBC Hpung masha yawng a hpyen madung re majaw gasat shamyit na. (JHZ/M. 37-2014)
  2. KBC Pat Jasan Komiti gaw KBC a mu gun ladaw (Term) hte maren rai na.
  3. Nanghpam hte seng nna KBC Ginjaw, Ginwang, Buga hpung shagu hta tau hkrau makawp maga ai lam galaw na.
  4. Ningmu jahpaw ai lam matut manoi galaw na.
  5. Nanghpam hte achya nga ai ni hpe shalawt ai bungli galaw na.
  6. Prat ningnan bai gaw gap ai bungli (rehabilitation) hpe galaw na.
  7. Masa bung ai kaga wuhpung ni hte ta gindun galaw na.
  8. KBC Ginjaw, Ginwang, Buga Hpung Pat Jasan Komiti Hpa-awn ni gaw Hpung Magam Gun rai yang grau kaja ai.
  9. KBC Hpung masha shagu gaw Nanghpam Pat Jasan magam bungli galaw na lit nga ai.

 

Masa (Policy)

  1. KBC Hpung masha yawng Ka-ni Nanghpam achya ai kaw na shalawt na
  2. KBC Hpung masha yawng Ka-ni Nanghpam n lu n sha hkra makawp maga na.
  3. KBC Pat Jasan Komiti gaw Hkalup Makam hta tsap na.

 

Magam Jasat (Mission)

  1. KBC hpung masha yawng Ka-ni nanghpam tsin-yam kaw na lawt lu hkra hpung shawa n-gun hpungtun hte matut manoi gasat nga na.
  2. Amyu sha ni a hpyen madung rai nga ai Ka-ni nanghpam hpe KBC Hpung shawa gaw Karai Kasang a Chyalai n-gun hte gasat shamyit sa wa na.
  3. KBC Nanghpam Pat Jasan Komiti gaw pandung masa bung ai wuphpung wuhpawng ni hte ta gindun let galaw sa wa na.

 

KBC Ginjaw Tsang hta galaw na Pat Jasan bungli ni

  1. Ningmu Jahpaw hte Tau nau makawp maga ai magam bungli woi galaw na (TOT, Sharin Ginhpan, hkum ra zuphpawng)
  2. Ginwang ni de Pat Jasan Komiti hkrang pru wa hkra n gun jaw hpaji jaw na
  3. Fund Raising Galaw na
  4. Masa Bung ai Kaga Wuhpung Wuhpawng ni hte matut mahkai lam tam na
  5. Ginwang, Buga Dawn Dabang ni kaw na dawn jasan da sai jawngma ni hpe kanbau hpaji sharin ya na.
  6. Dawn Dabang Hpaw na (Ginwang ni de dawn dabang ni nga wa hkra mung n-gun jaw nga na)
  7. Pat Jasan Bungli hte seng nna ra wa ai hta hkan nna shawa n-gun gang ai magam amu woi awn na. (e.g ka-ni yi hkyen)
  8. KBC Pat Jasan magam bungli hte seng ai labau ni hpe hkang zing na.
  9. KBC Pat Jasan magam bungli ni hte seng nna zinlum woi awn ai policy hpe tek jum na.
  10. Wunpawng Amyu Sha Ka-ni Nanghpam Pat Jasan Masing Jum Hpajang Komiti hta matut ndi shang lawm nga na.

 

Ginwang Ginjaw Tsang Hta Galaw Na Pat Jasan Bungli Ni

  1. Ningmu Jahpaw hte Tau nau makawp maga ai magam bungli woi galaw na
  2. Buga hte ta gindun nna Rim ahkyak la ai lam galaw na
  3. Dawn dabang hpaw na
  4. Ginjaw, Ginwang, Buga Pat Jasan Hpa-awn hte Komiti ni hpe aten hpring shatsam lu hkra galaw na.
  5. Seng ang ai Asuya ni hte ta gindun nna pat jasan bungli hpe galaw na
  6. Pat jasan hpe ta tut galaw nga ai masa bung ai wuhpung wuhpawng ni hte matut mahkai bungli galaw na.
  7. Wunpawng Amyu Sha Ka-ni Nanghpam Pat Jasan Masing Ginra Komiti hta matut n di shang lawm nga na.
  8. KBC Pat Jasan Komiti a matsun hte maren pat jasan magam bungli awng dang hkra woi awn galaw nga na.
  9. Jai lang ra ai Budget hpe Tinang Ginwang ni lit la na.

 

Buga Tsang Hta Galaw Na Pat Jasan Bungli Ni

  1. Buga Pat Jasan komiti lak san hpaw shabawn na.
  2. Ningmu Jahpaw hte Tau makawp maga ai magam bungli woi galaw na
  3. KBC, Ginwang kaw nna woi awn jasat ai pat jasan magam bungli ni hta shang lawm na.
  4. Buga shada pat jasan bungli hta matut mahkai ta gindun shang lawm mai ai.
  5. Kaga nawku hpung, ginra pat jasan komiti ni hte mung ta gindun shang lawm mai ai.
  6. Jai Lang ra ai Budget hpe Buga Hpung ni lit la na.

 

 

Motto

  1. Nanghpam hpe koigam ai hpung masha
  2. Nanghpam hte tsep kawp n’achya ai dinghku
  3. Nanghpam hpe n achya ai amyu.

 

Slogan

  1. Ka-ni nanghpam gaw KBC hpung masha yawng a hpyen kaba re.
  2. Anhte KBC hpung masha langai hkrai gaw pat jasan ni re.
  3. Dai hpyen madung nanghpam, anhte yawng hta hkoi san.

 

 

Bandung (Goal)

  1. Ka-ni Nanghpam hpyen hpe tsep kawp hkoi san mat ai kaw du hkra matut manoi gasat shamyit sa wa na.

 

 

Yawshada ai Lam (Objective)

  1. KBC hpung shawa ni kaw nanghpam dut ginlen, shalet shalai ai lam tsep kawp n-nga na matu.
  2. KBC hpung masha ni kata ka-ni hkai shatut ai lam, nanghpam galaw shapraw ai lam, arang shaw gambung bang ai lam tsep kawp n-nga na matu
  3. KBC hpung masha ni kata ka-ni nanghpam lusha, htu, marawp, jailang ai lam tsep kawp nnga na matu.
  4. KBC hpung masha yawng ka-ni nanghpam hta achya ai lam n’nga hkra makawp maga lam hpe n-gun dat galaw lu na matu.

 

 

Zai Ningsang(Strategy)

  1. Ningmu Jahpaw ai ladat.
  2. Sharin ai lai ladat.
  3. Sadi jaw ai ladat.
  4. Kaga amu hte kanbau lu hkra galai shai ya ai ladat.
  5. KBC Ginjaw, Ginwang, Buga hpung na hpung shawa yawng kahkyin gumdin let shanglawm ai ladat.
  6. KBC, Ginwang, Buga hta tatut hkrang shapraw na.
  7. Masa bung ai wuhpung wuhpawng ni hte zinghkri gindun let galaw sa wa na.
  8. Buga hpung shawa yawng chyena hkawn hkrang nna shang lawm ai ladat.